maganda ang gising sa umaga, hindi gaanong malamig at tama
lang ang pakiramdam para maligo sa umaga... pumasok at
kumuha ng pagsusulit sa physics 2, nakasagot naman kahit
papaano. natapos ang pagsusulit na dumudugo ang aking ilong.
pagkatapos ay calculus, ako ay kumopya ng kumopya ng mga
isinulat ng aming propesor. may naintindihan pero lamang ang
walang naintindihan. gaya ng highschool pag hindi mo
maintindihan ang itinuturo ng iyong guro, mag drowing na lang
ng mag drowing. mapupuno na nga ang cover page ng aking
notes ng drowing, iginuhit dito ang mga nasa isip, tulad na lang
ng pinoy kisses (yung tsokolate). pagtapos ay may roon kaming
break na trenta minutos. napagdisketahan namin nila lex at
arwin ang pagkain ng kwekkwek sa likod ng eskwelahan.
habang kami ay kumakain ay aking napansin ang mag ama, di
nalalayo sa aming kinakainan... hindi ko na napigilan ang
aking sarili. tanong ko kay manong na may-ari ng kwekwek
stand " matagal na po ba silang tambay dito? (kahit na alam ko
na ngayon lang sila doon dahil suki na rin ako sa mga lutuin ni
manong.)" sumagot si manong " kawawa naman yung bata no?"
tama naman si manong at noong bubunot na ako ng perang
pambili ng kanilang makakain, bununot na si lex sabay sabi "
manong bigyan niyo po ng anim na hotdog yung bata, sagot ko",
?!?!?!?! naunahan ako sa aking charity work. medyo nainis ako
pero part narin na pasasalamat kay lex dahil sa kanyang
ginawa. kahit na hindi ako nakatulong naisip ko nalang na baka
hindi pa ako handang tumulong sa iba at kailangan ko munang
tulungan ang akin sarili.
bumalik kami sa aming silid at dumating na rin ang aming
guro. logic nanaman. ayus. naudlot at na postponed ang aming
quiz kanina, gaya ng dati, masaya at nagdiwang ang lahat. nag
karoon ng kaonting debate kung totoo daw ba na ang pera ay
nakakapagpasaya sa tao. may sumagot ng oo, at marami sa
hindi. parang sa pula o sa puti. kamuntik na kaming mag away
ng aking kaklase na si keso dahil sa pangyayari na iyon. pero sa
ngayon isa lang talaga ang masasabi ko. ang pera ay hindi
makakapagpasaya sa tao kung hindi ang mga posibilidad na
mabili mo sa pamamagitan nito. maganda at masaya ang loob
mo kapag nakakatanggap ka, pero mas masaya ang pakiramdam
at magan ito kapag pinakawalan mo ang pera, at ipinamahagi
mo sa mas nangangailangan. tulad na lang ng pangyayari sa
kwek kwek stand ni manong.
hanggang sa labas ng silid nag aaway parin kami. paglabas
namin. uwian na at nakita namin si crizel sa labas ng silid.
ayun. no comment na Lang. ( pEro ang hint Ko mayroon na hindi
maliligo ng iSang taon dahil.... )
paglabas ng eskwelahan, naghiwahiwalay na kami ng aming
mga landas. sila jemil, keso, at arwin patungo sa sakayan ng lrt
at nagmamadali ng mag palevel. kami nila lex at tina papunta sa
kabilang panig ng mundo
pag uwi. pagod sa lahat ng ginawa. pagdating sa bahay... !@#$!
walang sinaing. gutom na ako. o hindi. nahuhuramintado na
ako sa bahay. ang akala daw kasi ay hanggang hapon ako.
kakain ako ng cup noodles. !@#$! walan joe. walang mainit na
tubig. ubos. WAAAAA! nag init na lang ako ng konting tubig,
nagpalamig ng ulong busog sa inis, at nambitin ng gutom na
bulate sa tyan. ika nga ni keso. "NAG SA-SMACK DOWN NA ANG
MGA BULATE KO SA TYAN". pagkainit ng tubig na pang lagay sa
aking noodles. kumain na ako ( alangan naman na titigan ko
lang).... noodles at natirang pandesal galing sa panaderya
kaninang umaga. pag kakain ko. nagsundo na ako sa aking
nakababatang kapatid. paakyat na ako sa isang bundok ng
nakita ako ni manong drayber ng tricycle. suki na kami nun
kaya kilala na kami eh. eh di yun. hindi na ako pinaglakad at
isinabay na rin ako papuntang eskwelahan. tapos nung pauwi
na sa kanya parin kami sumakay bilang utang na loob.
pagkauwi ko ay nag bukas ako ng pc. mag boblog na muna ako.
pampatangal antok... noong panahon na ipopost ko na ay sa
KALOKOHAN NG MERALCO. NAGBROWNOUT at nawala lahat ng
iti-nype ko at KAKABWISIT! walan joe. itinulog ko na lang ang
aking inis. badtref. pag gising ko nag wawala si ate zen! ayus
badtref ako natulog, badtref parin nung gumising. ayun..,.
buti nalang at umalis sila so nagpatugtog ako ng malakas sa
bahay... tanggal ang badtref at tanggal pati tenga ko.
nandito ako ngayon nag tatayp... sana hindi mag brown out.
yes nakapagpost na rin!!!! OYEH!!!
gagawa na ako ng mga takdang aralin... ika nga eh ito ay
pampainit pa lang... nakatulog naman ako kaya magagawa ko
ang mga iyon...
ang tanging hiling na lamang ay
sana hindi ako malate sa vincentian studies
exam namin bukas!
CTR+C
CTRL+V
No comments:
Post a Comment